likh kar maine ye sher do char

kharch kar diye andar jitne the ashaar

Har wo saath chhod do jisne tumhe dukh diya ho
Wo saath hi kya jisne sirf gumraah hi kiya ho
Buri aadat hai tumhe kisi ke bhi saath ho jaane ki

Har wo yaad chhod do jisne tumhe pareshaan kiya ho
Us yaad ko yaad karke kya fayeda jo dhundhla gai ho
Buri aadat hai hume tumhe yaad dilane ki

Har us manzil ka safar chhod do jise ab paane ki chaah na ho
Aisi manzil kis kaam ki jahan pahaunchne ki raah na ho
Buri aadat hai tumhe roz nai manzil banane ki

Us gali se guzarna chhod do jahaan mod kai hain
Dikhte seedhe hain par unme pench kai hain
Buri aadat hai tumhe zid pe ad jaane ki

Hamari har baat pe naaraaz hona chhod do
Hanste raho hamesha rona chhod do
Buri aadat hai tumhe rooth jaane ki

Soti ho, jaagti ho, rehti ho kisi ajeeb se nashe me
Suroor mein ho uske rehti ho usi ki duniya me
Buri aadat hai tumhe nashe mein jeene ki


Aadatein kuch buri hongi tumme par dil ki tum sachhi ho
Zubaan se meethi aur aankhon se bachhi ho
Buri aadat jo hai tumhe dil me bas jaane ki

4-Dec-2010

Dosti ne hume bahaut kuch diya
Humne to apna sab kuch dost ke naam kar diya
Aandhi mein bankar vishaal khada raha wo
Andhere me bankar mashaal jalta raha wo
Thokar lagne se pehle hi mujhe thaam leta hai
Jaane kaise sab aankhon se padhkar jaan leta hai

Jab bhi yaad karta hun use apne saath paata hun
Use dekhte hi har ghum bhul jata hun
Ghum mein bhi usne mujhe hansna sikhaya
Jeene ka sachha matlab samjhaya
Hamesha mere saath khada raha wo
Bankar ek lauta sahara adig ada raha wo

Ek din kisi baat pe naaraaz wo mujhse ho gaya
Kai dino tak jab usse milna na hua
Tab samajh aaya ki ye mujhse kya hua
Maine dil jo uska dukhaya tha
Apni galti ka ilzaam uspe lagaya tha
Is par bhi wo mujhse khafaa na tha
Mere intazaar me baahein failaye khada tha
Milte hi mujhe gale se usne laga liya
Bola, mere yaar maine sab bhula diya

Sachhe dost to milte hain badi kismat se
Juda na karna kabhi unhe apne dil se
Aye dost teri dosti pe maine naaz bahaut kiya hai
Khuda se pehle tujhe yaad kiya hai
tujhe aur kya mein dun
Apni saanso par hi maine tera naam likh diya hai

3-Dec-2010

Adhuri si neend jab aankhon mein ho
Ajab si mehak jab sanso mein ho
Kasak kuch khayalon ki jazbaaton mein ho
Dariye nahi
Aap subeh ki meethi yaadon mein ho...

3-Dec-2010

Har nazm pe aapki hum daad diye jaayenge
Har kalaam pe aapkae hum jaan lutate jaayenge
Chalakte rahe har lafz banke lahu yun hi
Hum dubki us dariya mein taa-khushi lagayenge...

19-Nov-2010

She asked me:
Why do you bring me flowers?
Why do you wish me goodmorning and goodnight everyday?
Why do you hug me whenever I need it?
Why do you hold my hands?
Why do you listen to me for hours?
Why do you walk with me?
Why do your eyes look like deep ocean?
Why does your heart starts beating faster when I rest my head over it?
Why do I feel happy to be with you?
Why do all my fears go away when I am with you?
What do you do to me? Why do you do it to me?
I said I do it coz this is the least that I can do for you
As the only thing that I have is "YOU"...

17-Nov-2010

Ek bachha hai, mujh me kahin zinda hai
Kehta hai mujhse ki naraaz hun mein tujhse
Aata nahi tu ab, jaane milega kab
Khelne ko tarasta hoon, raat din raah takta hoon
Kabhi milo na mujhse aake, karenge dher saari baatein
Khayenge khoob khana, gaayenge jingle wala gaana
Naachenge khelenge khushiyaan khoob manayenge
Pehle jaise ghoomne bhi jaayenge

Mujhe fir se ghoomne le jaoge na?
Apne kandhe pe baithaoge na?
Mere dost tumhe miss bada mein karta hoon
Kya karoon tumse pyaar jo itna karta hoon
Mujhe bhool kyun gae tum? Kya bilkul bhi yaad nahi aate hum?
Kabhi yaad aaye meri to sheeshe mein khudko dekhna
Kahin aur nahi apne andar hi mujhe khojna
Mein tumhe wahin milunga jahan tum mujhe chhod aaye ho
Sabse aage bhaagte-2 kitna door nikal aaye ho

Bula raha hai tumhe wahi tumhara bachpan suhana
Kisse jiske tum chahte ho sabhi ko sunana
Agar laut nahi sakte to bas ek karam karna
Mujhe hamesha apne andar zinda rakhna
Jab bhi ho niraash to mujhe yaad karna
Mein tumhe khoob hasaunga khoob gudgudaunga
Aur marte dum tak tumhara saath nibhaunga...

Be Happy... Let the child inside you flourish....

14-Nov-2010